1 Sept 2014 : Bermuda

Gisteraand se uiteet by Teppenyaki was toe n deurmekaar storie want net toe ons 21h00 wou gaan toe is daar weer n noodgeval!! Almal mooi aangetrek en reg vir die groot eet,5 van ons is toe weg na die restaurant maar natuurlik moes liefie en 1 van die verpleegsters agterbly om die situasie uit te sorteer.

Wel ons is toe weg ,eers warm gesoute groen bone!!,toe sop,dan seegras slaai!! Hoofgereg was yslike groot prawns en steak vir my,kreef en calamari vir liefie,bestel.Nagereg was vars vrugte of groen tee koek en roomys.Behalwe vir die seekos en steak is die ander kos vreemd,nie my eerste keuse nie.

Die ambulans moes toe die 85jr ou Russiese oom kom haal en die is toe tierkwaai en moelik,vloek glo vir hulle uitmekaar.Moes lag vir Liefie se aanmerking, dat hy dink nie so n gevloek is is n goeie ding vir iemand wat 85 en siek is nie, kan dalk net teen jou tel!!! as jy dit nie maak nie!! Toe hy sekuriteit  vra wat die vertaal werk moet doen, wat ou oom se, toe se hy nee is beter dat jy nie verstaan nie want hy kan nie die woorde herhaal nie,so die stomme ou oom was omgekrap!! Kan my net indink die kombinasie van 85jr oud wees,n paar vodkas agter die blad,jy val ,is reeds omgekrap en nou wil hulle jou nog hospital toe stuur,resep vir moeilikheid.!!

Wel ons het toe klaar geeet en die 2 tjies het toe nooit opgedaag vir hulle ete nie so hulle moes tevrede wees met n doggiebag .Het fotos geneem en sal vir julle op blog sit.Ek is toe naderhand bed toe maar mediese span heel nag op en af met allerhande goed.

Vanoggend n pragtige sonskyn dag maar wolke lyk asof daar dalk weer reen later sal wees.Het n foto uit die eetkamer geneem van die see en die wolke,pragtig.In eetsaal was die dierbaarste ou seuntji met sy rooi karretji en dit het hom heel ete besig gehou,gespeel ,gepraat,skoongemaak,toegemaak met servet , in sy eie wereld net hy en sy karretjie.

Ek wag vir Liefie want hy het eers n lesing vanoggend en dan is hy af vir die dag. Mooi bly tot volgende keer.